Partia Demokratike propozon një amendament për ligjin e dekriminalizimit, në mënyrë që të bllokojë “rikthimin” e Kokëdhimës në rradhët e deputetëve në zgjedhjet e ardhshme parlamentare të vitit 2017.
Përmes një postimi në rrjetin e tij social, Kryetari i PD-së Lulzim Basha shkruan se selia blu ka depozituar këtë të enjte në parlament, Amendamentin e Dekusarizimit, i cili do të ndalojë rikandidimin e personave që humbasin mandatin e deputetit.
“Partia Demokratike depoziton sot ne parlament Amendamentin e Dekusarizimit: Ndalimin e rikandidimit ose emerimit ne funksione publike te atyre qe humbasin mandatin e deputetit sepse shkelin Kushtetuten duke zhvatur parate dhe pasurite publike te shqiptareve.”- shkruan Basha.
Dy ditë më parë, deputeti socialist Koço Kokëdhima humbi mandatin e tij pas vendimit të Gjykatës Kushtetuese. javanews/ a.k
