Partia Demokratike ka akuzuar Edi Ramën se ka marrë mertiat për investime të bëra nga qeveria e mëparshme.
“Edi Rama tentoi të marrë sot merita të paqëna nga një përurim në Babicë të Vlorës, ku nuk gjeti asnjë moment për të treguar të vërtetën, se ky ishte një investim i nisur në fillim të vitit 2013 nga qeveria e mëparshme”, thotë deklarata e PD, duke sqaruar më tej se “marrëveshja për projektin e Unazës Energjetike të Jugut u nënshkrua në janar të vitit 2013 në prani të qeverisë së asaj kohe dhe ambasadores gjermane, pasi donator është KFV, në vlerën e 35 milion eurove. Punimet në terren nisën konkretisht në qershor të vitit 2013 në Zemblak të Korçës, si pjesë e kësaj unaze”
Në reagimin e saj PD shton se “ne nuk presim që Edi Rama kreu i korit të hajdutëve, që po vjedh çdo pasuri të vendit, të tregohet i ndershëm me meritat e këtij projekti. Por shqiptarët duhet ta dinë të vërtetën e këtij investimi të rëndësishëm për qytetarët e Jugut, një projekt që Edi Rama e gjeti gati”.
BW
