Partia Demokratike përmes deputetes Albana Vokshi ka ripërsëritur akuzat drejt djalit të Nënkryetares së Parlamentit Valentina Leskaj, se ky i fundit ka përfituar falë Kryeministrit Edi Rama, një shumë prej 700 milionë lekëshm, për trajnimin e punonjësve të OSHEE. Sipas dokumentave të PD është e qartë se tashmë firma e djalit të deputetes së PS ka fituar këtë kontratë, ndryshe nga ç’pretendoi ditën e djeshme OSHEE, e cila tha se nuk ka lidhur asnjë kontratë.
Deklarata e plotë e deputetes Albana Vokshi:
Faktet janë këto;
700 milionë lekë Edi Rama ka vendosur tia japë djalit të deputetes Leskaj, për trajtimin e stresit të punonjësve të OSHEE, për një punë 4 mujore.
Pra 6 milionë lekë në ditë për djalin e deputetes, ndërkohë që 1 e treta qytetarëve jetojnë në mjerim të plotë.
6 milionë lekë në ditë për stresin e OSHEE, kësaj bande kriminale, që ka shkaktuar depresion tek qytetarët, që ka çuar në vetëflijim 4 kryefamiljarë, me arrogancën e padrejtësitë e saj.
Ja ku përfundojnë paratë e marra me kërbaç e me burg tek të pamundurit.
Tek të pamundurit, sepse deputeti i Ramës debitor me 200 milionë lekë është i paprekshëm.
Dhe del tani, kryehajduti i OSHEE, Ardian Çela, e thotë se kjo nuk është e vërtetë.
Po ky dokument, cfarë tregon?
Operatori i shpërndarjes së energjisë, formulari i njoftimit të fituesit;
Ku thotë se është shpallur fituesi ABKONS e Besnik Leskajt.
Ku i kërkohet kësaj kompanie të paraqitet në zyrat e OSHEE për të lidhur kontratën.
Ja ku është e zeza mbi të bardhë.
Ky pra është shteti i koprruptuar i Edi Ramës, që mashtron, vjedh dhe ndan paratë e gjakut të shqiptarëve me miqtë e klientët.