Edi Paloka është shprehur sot se kjo qeveri nuk ka hequr dorë nga manipulimi. Sipas kreut të grupit parlamentar demokrat, militantët e LSI-së në Bulqizë kanë grabitur një kuti votimi dhe e mbajën atë në makinën e tyre.
Sipas Palokës, bëhet fjalë për një automjet tip fuoristradë me persona të armatosur.
“Policia është e pranishme, por nuk pranon ta kontrollojë automjetin ku ndodhen edhe armë pa leje. Ne presim transferimin e kësaj kutie nga fuoristrada e militantëve të LSI tek vendi i numërimit” – ka akuzuar Paloka.
