Nga Asambleja Socialiste e mbledhur në Gjirin e Lalzit, Edi Rama tha se progresi i bërë deri tani kërkon një garanci të plotë për t’u kthyer në transformim pa kthim për vendin.
Ai kërkoi një Parti Socialiste më përbashkuese dhe më të zonjën për të lexuar sfidat e brendshme dhe të jashtme të vendit.
Sipas tij, për t’i fituar këto sfida duhen ndërgjegjësuar vetë socialistët për rolin historik që kanë në shtetbërje.
Duke iu referuar opozitës, Rama tha se ajo iu ofron shqiptarëve një ofertë të ulët.
“Zhvillimi i fundit për rithimin e normalitetit në Kuvend duhet të shkojë në drejtimin e duhur për Shqipërinë me sfidat kombëtare për procesin e anëtarësimin. U fol këto ditë për pazare me non-gratën dhe njohjen e zotërisë në ballkon si lider të Partisë Demokratike, siç është folur për vënien nën kontroll të drejtësisë së re. Të gjitha janë broçkulla që tregojnë sesa të vështirë e kanë disa që dëgjon në media apo mexhelisin e rrjetev sociale, të kuptojnë se PS po shkruan një kapitull të ri të marrëdhënieve me drejtësinë. është tmerrësisht e thjeshte për t’u kuptuar: Për herë të parë në historinë e shtetit shqiptar hetohen e gjykohen nivelet e larta të pushtetit politik. Thonë disa se e bënë amerikanët dhe jo ne. Po amerikanët aty ishine dhe përpara… Pse Shqipëria të mos ishte si vendet e tjera të rajonit ku tre prej tyre i kanë hapur negociatat para nesh me BE, por asnjëra s’e ka nisur akoma reformën në drejtësi. Përgjigja është e thejshtë, sepse në Shqipëri ka një parti që e kishte në program të saj reformën në drejtësi qyshse ishte në opozitë” – tha Edi Rama.
javanews/ a.r
