Sektori i Qarkullimit Rrugor në Qarkun e Korçës vijon me patrullime të shtuara në të gjitha akset rrugore, me fokus të veçantë në rrugët nacionale, ku fluksi i automjeteve është më i lartë, sidomos gjatë sezonit veror.
Forcat e policisë rrugore dhe jo vetem janë të pranishme me patrulla të shtuara edhe brenda qyteteve të Korçës dhe Pogradecit, për të garantuar rendin dhe sigurinë në rrugë.
Si rezultat i kontrolleve intensive, brenda një jave janë vendosur mbi 770 masa administrative, kryesisht për shkelje si mosrespektimi i sinjalistikës rrugore dhe tejkalimi i shpejtësisë së lejuar.
Policia Rrugore apelon për kujdes të shtuar nga drejtuesit e mjeteve, duke respektuar rregullat e qarkullimit, në mënyrë që të parandalohet çdo ngjarje e mundshme rrugore dhe të garantohet një sezon i sigurt për të gjithë qytetarët dhe turistët që vizitojnë zonën.
