Grupi i demokratëve që njihen se kundërshtarë të Lulzim Bashës kanë zyrtarizuar lëvizjen e tyre. Në vijim të takimeve me demokratët në terren, Astrit Patozi shpalli nga Korça “Lëvizjen për Ringritjen e PD”. Në takim merrnin pjesë deputetët aktualë Eleina Qirici, Gjergji Papa, Ridvan Bode, Astrit Patozi. 
“Nëse nisma jonë do kishte një emër që do i vendosnim nismës tonë do ishte Lëvizja për Ringritjen e Partisë Demokratike dhe këtë po e them për herë të parë në Korcë. Ne jemi të gjithë bashkë dhe kjo është PD që nuk pranon mosmbajtejen e përgjegjësisë dhe mospasjen e një gare të dretjë. Ne jemi etiketuar si kundërshtarët e Lulzim Bashës, por ne jemi kundërshtarët e PS, pasi Lulzim Basha është njëri prej nesh dhe jemi gati të punojmë edhe me të për ringritjen e PD. PD nuk ka vdekur”- tha ai.
Më tej Patozi tha se është gati të marrë një vendim tjetër nëse Basha ndërpret garën të cilën ai e etiketoi se farse.
“Unë jam gati të marr një vendim tjetër edhe pse kemi ndërmarrë këtë nismë, nëse kjo garë për kreun e PD ndërpritet. Ne nuk kemi ardhur për kryetarin, por për PD. PD jeni ju në këtë sallë. Forcën duhet ta marrin anëtarët dhe jo një njeri i vetëm. Është mungesa e lidershipit tonë që i dha Ramës atë rezultat”- tha Astrit Patozi.
Ai pati një mesazh edhe për Eduard Selamin:
“Eduard Selami na ka ftuar ne që ta mbështesim. Ai ka bërë një gabim shumë të rëndë që pranoi atë garë. Në rast se nuk do të hytë në histerinë e politikës shqiptare si një patericë e shëmtuar, tani duhet të largohet nga kjo garë një minut e më parë” tha Patozi.
/a.m.
