Kreu i Bindjes Demokratike, Astrit Patozi, thotë se vendi ynë nuk e meriton hapjen e negociatave, edhe nëse vendet anëtare do të kishin marrë një pozitiv. Gjatë një interviste në “ABC News”, ai tha se shqiptarët qeverisen më keq se para disa viteve.
“Unë mendoj që edhe në rast se zonja Merkel do ta bindte Macron, për arsyet e brendshme të Brukselit që ta mbyllte një sy dhe të hapeshin negociatat, ne sërish nuk do të ishim të çliruar sepse ne nuk e meritojmë hapjen e negociatave. Mjafton ta shikosh nga Hëna me teleskop dhe të thuash që kurrë nuk mund të jetë anëtare e BE. Ne jemi një vend që nuk bëjmë zgjedhje. Ne jemi sot një gjysmagjel vend. Kemi një qeveri që ushtron një pushtet që nuk e takon. Kemi një opozitë të ikur nga sistemi. Kemi një president në fije të perit. Një vend krejtësisht anormal. E them me shumë dhimbje por sot mund ta them me plot gojën që shqiptarët vishen më mirë, hanë më mirë, ndoshta lahen më shpesh por qeverisen më keq se para 10 apo 15 vjetësh. Kjo krizë politike është e pashembullt”, tha ai.
Për sa i përket zgjedhjeve të parakohshme, Patozi tha se qeveria jonë nuk e njeh përgjegjësinë.
“Nuk e di duhet ta çonte apo jo. Po të isha vetë që nga Brukseli do thosha që jam gati për zgjedhje të parakohshme. Ne jemi në një truall tjetër. Nuk e njeh këtë përgjegjësi. Minimumi që mund të thoshte meqenëse vendet anëtare kishin problematikat e tyre, por qeveria jonë ndihet përgjegjëse për sa i takon. Dhe një ndjesë të fortë për të gjitha arsyet. Ndonjëherë qeveritë japin dorëheqje për aksidente”, u shpreh kreu i Bindjes Demokratike.
Pse ti 8 vite me saliun dhe ndonjehere doreheqje?
Apo i harrove zotrote cudirat qe ke bere edhe ti, si ne Sarande psh…
Shkoni more zhdukuni te gjithe, jeni njesoj te qelbur si ps si pd si ju te ish-pd! Fuck off!!!