Astrit Patozi, i cili ëhstë një prej ‘senatorëve’ të përjashtuar nga listët e deputetëve ka dhënë një deklaratë për mediat pas seancës së jashtëzkaonshme në Kuvend. Ai tha se do të mbetet në Partinë Dmeokratike, pasi marrëdhëniet me këtë forcë siaps tij nuk varen nga humori i Bashës. Patozi tha se PD në këtë fushatë hyn mjaft e dobët, më keq se në vitin 1997. Sipas tij, legjenda e kalicionit me PS do sjellë pasoja të rënda.
“Kush mendon se marrëdhëniet e mia me PD varen nga humori i Lulzim Bashës e ka shumë gabim, pasi Lulzim Basha më ka gjetur mua në PD. Në fushatë jamë në rol më modest për shkak të zgjedhjes së zotit Basha, por gjithsesi s’më pengon të jem aktiv. Ajo që është për të ardhur keq është se forca jonë nuk merret në konsideratë nga kundërshtari. Forca jonë po përçmohet, nuk ka ndodhur as në ’97-ën, as në 2001-in. Problem kryesor sipas meje është fakti që qarkullon një legjendë që nuk po fashitet sipas së cilës pas zgjedhjeve do ketë koalicion PS-PD. Në rast se kjo java e fundit që ka mbetur, nuk e ndan PD nga kjo legjendë pasojat do jenë shumë të rënda”, deklaroi Patozi.
Ai tha se do të jetë aktiv deri në fund të mandatit në muajin shtator dhe do të marrë pjesë sërish nëse Kuvendi thirret në seancë.
“Nëse dikush mendon se erdha për të dorëzuar testamentin politik e ka gabim. Erdha si detyrim ndaj forcë sime që më ka besuar në 3 legjislatura. Do vij sa herë të thirrem derisa të mbaroj mandatin në Shtator”, tha Patozi./a.m.
