Patatet i duan të gjithë. Ato mund të gatuhen në mënyra të ndryshme; nga të skuqura, të pjekura, të ziera e deri në sallatë. Sot po ju propozojmë një mënyrë tjetër për të përgatitur një garniturë tepër të shijshme për vetëm 40 minuta.
Përbërësit:
800gr patate
2 domate mesatare
1 qepë të vogël
pak rigon
6 lugë vaj ulliri
1 thelpi hudhër
kripë
piper të zi
djath kackavall të grirë
Qërojmë patatet, i lajmë mirë dhe i presim në copa mesatare duke i vënë në një tenxhere.
Shtojmë domatet e prera në copëza të vogla, hudhrën dhe qepën të grira hollë, vajin e ullirit.
E rregullojmë masën me kripë dhe piper të zi, shtojmë pak rigon dhe e vendosim të gjithë masën në zjarr të moderuar. I lëmë patatet të skuqen për disa minuta duke i perzier herë pas here. Më pas shtojme dy gota ujë të nxehtë, vendosim kapakun dhe i lëmë në këtë mënyrë të gatuhen derisa të zbuten, por jo të shpërbëhen.
Në momentin e fundit, i spërkasim me pak djath kackavall të grirë, i mbulojmë përsëri me kapak dhe i lëmë të pushojnë për disa çaste përpara se t’i servirim në tavolinë.
