Muzikantet femra kanë jetuar momentin kohëve të fundit, por nuk do të mund ta besonit se sa para fitojnë këngëtaret më të pasura dhe sa është vlera e tyre.
Përgatituni që të befasoheni me 5 prej tyre që Koha.net i ka përzgjedhur, sepse këto zonja kanë punuar aq shumë sa që vlera e tyre është pothuajse e paimagjinueshme.
Madonna – 800 milionë dollarë
Madonna, përveç që është këngëtare, gjithmonë ka qenë një afariste e suksesshme që kur është bërë e famshme. Ajo deri më tani ka shitur më shumë se 300 milionë albume në mbarë botën dhe me këtë ajo ka hyrë në librin e Guinnessit si këngëtarja më e suksesshme e të gjitha kohërave për shitjen e më së shumti albumeve deri më tani.
Përveç shitjes së albumeve, ajo është po ashtu këngëtarja më fitimprurëse nga koncertet e saj, dhe kështu gjatë karrierës së saj 30 vjeçare ajo ka fituar nga koncertet rreth 1 miliard dollarë.
Gloria Estefan – 700 milionë dollarë
Gloria është këngëtarja më e suksesshme latine, e cila ka shitur më shumë se 100 milionë disqe në mbarë botën. Ajo po ashtu ka fituar shtatë çmime Grammy. Gloria përveç muzikës merret edhe me aktrim dhe është një afariste, pasi posedon disa restorante. Sipas revistës “People”, edicion spanjoll, ajo posedon një pasuri prej 700 milionë dollarësh.
Celine Dion – 662 milionë dollarë
Këngëtarja dhe sipërmarrësja franko-kanadeze, Celion Dion, është bërë pop artistja më e suksesshme në vitet e ’90-ta. Ajo ka shitur më shumë se 220 milionë albume në mbarë botën.
Mariah Carey – 510 milionë dollarë
Me mbi 200 milionë albume të shitura në mbarë botën, Mariah Carey është njëra nga këngëtaret më të suksesshme të të gjitha kohërave për shitjen albumeve.
Beyonce – 450 milionë dollarë
Beyonce është një nga femrat më të fuqishme në botën e shoubizit dhe këngëtarja më e suksesshme afro-amerikane. Si solo këngëtare, ajo ka shitur mbi 75 milionë disqe dhe 60 milionë tjera me ish-grupin “Destiny’s Child”, transmeton Koha.net. Ajo ka fituar 17 çmime Grammy dhe përveç muzikës, Beyonce është edhe aktore, sipërmarrëse dhe modele. Pasuria e burrit të saj, Jay-Z, është 560 milionë dollarë, që do të thotë se pasuria e tyre si çift është 1 miliard dollarë.
