Prokuroria e Përgjitshme po heton mbi pasuritë e padeklaruara të ish-ministrit të Financave Ritvan Bode. Në 7 prill, Inspektorati i Lartë i Deklarimit dhe Kontrollit të Pasurive dhe Konfliktit të Interesave paditi në prokurori ish-ministrin e Financave, deputetin Demokrat Ridvan Bode, duke e akuzaur për refuzim dhe deklarim të rremë të pasurive.
Sipas shkresës në prokurori, ILDKPKI, thekson se Ridvan Bode, ndonëse është thirrur disa herë ka refuzuar të japë shpjegime para inspektorëve. Prokuroria tha se ka nisur verifikimin e te gjitha pasurive te rregjistruara ne emer te ish ministrit të Financave, si llogari bankare, Zyrat e Rregjistrimit të Pasurive të Paluajtshme etj.
Burime nga prokuroria thanë se kanë mbërritur dhe përgjigjet e para nga disa banka të nivelit të dytë., raporton Ora News. Dyshohet se pasuria e ish-ministrit të jetë shumë e madhe. Në këtë hetim nuk do te lihen jashtë edhe disa shtete të huaja ku mendohet se Bode ka depozituar para, jo në emër të tij.
Ky nuk është rasti i parë që zyrtarë të nivelit të lartë, fshehin pasuritë e tyre në emër të familjarëve dhe miqëve në banka të huaja, ku parate e tyre nuk cënohen nga vendet e origjinës. Edhe pse ligji ka përfshirë në deklarim edhe rrethin e ngushtë të zyrtarëve, serish pasuritë e fshehura të zyrtarëve mbeten te paprekshme.
Drejtoria e Pastrimit të Parave, është dhe autoriteti i cili referon në prokurori të dhëna mbi pasuritë e dyshura të politikanëve dhe zyrtarëve të cdo niveli. Sipas tyre , Ritvan Bode rezulton të jetë një nga politikanët shqiptarë më të pasur në Ballkan, por pasuritë e tij nuk rezultojnë në emër të tij.
Redaksia Online
(JavaNews.al)
