SPAK konfirmoi sekuestrimin e pronave për Altin dhe Leonard Hajri, në kushtet e emergjencës duke i dorëzuar ato në Gjykatën e Posaçme Kundër Korrupsionit dhe krimit të Organizuar.
Pronat e sekuestruara janë dërguar tashmë në Gjykatë nga SPAK ku pritet konfiskimi i tyre.
Me aktin normativ anti KÇK të miratuar nga qeveria, pronat e sekuestruara mund të përdoren nga shteti edhe pa u vendosur sekuestrimin e tyre më urdhër të gjykatës.
Altin Hajri dhe Leonard Hajri ishin pjesë e rrëmbimit dhe më pas vrasjes se Jan Prengës më 17 janar 2020. Leonard Hajri u arrestua së bashku me të atin dhe persona të tjerë të përfshirë në rrëmbim, ndërsa Altin Hajri është ende në kërkim nga policia.
Një operacion i gjerë i policisë ka vënë sot nën sekuestro pronat e tyre në Shijak, të cilat dyshohen se ishin vënë përmes aktiviteteve të ndryshme kriminale.
Kështu, është bërë sekuestro e kompleksit “Golden Resort”, në Shijak, në pronësi të Altin Hajrit, por edhe të disa pronave të tjera.
Në këtë resort është parë për herë të fundit Jang Prenga, i marrë peng rreth një muaj më parë dhe prej atëherë rezulton i zhdukur.
Lista e pronave që do t’i nënshtrohet sekuestros me urdhër nga Gjykata e Posaçme:
1-Kompleksi ‘Golden Resort’, me adresë Xhafzotaj, Durrës, në pronësi të Altin Hajrit
2-Karburanti ‘ALT-OIL 2018’ me adresë Xhafzotaj, Durrës, në pronësi të Altin Hajrit
3-Vilë dykatëshe e cila ndodhet në fshatin Pezë, Shijak, Durrës, në pronësi të Altin Hajrit
4-Një vilë 4-katëshe në fshatin Pezë, Shijak, Durrës, në pronësi të , Leonard Hajrit
/a.r
