Kohët e fundit është shënuar një rritje e raportimeve për transferime të dyshimta parash jashtë kufinjve dhe anasjelltas. Kompanitë e transfertave kanë raportuar në total 209 raste të dyshimta, rreth tre herë më shumë se në vitin 2015, shkruan scan.
Drejtoria e Përgjithshme e Parandalimit të Pastrimit të Parave ka dërguar në Prokurori të paktën 178 raste të dyshimta në gjysmën e parë të vitit. Po ky institucion bën me dije se është vendosur masë bllokimi për 31 prej tyre me një vlerë prej 3.8 milionë euro.
Rritja e rrezikut të pastrimit të parave u konfirmua edhe nga Instituti i Baselit në Zvicër, i cili pak muaj më parë publikoi raportin për 2017. Shqipëria renditej në vendin e 85-të mes 147 shteteve me një pikëzim prej 5.75, duke shënuar përkeqësim krahasuar me vitin e kaluar, pasi ishte 5.04.
a.ç
