Ditën e sotme u mbajt komisioni i Sigurisë mbi veprimtarinë e Drejtorisë së Përgjithshme të Parandalimit të Pastrimit të Parave. Në këtë komision drejtori i këtij institucioni, Arlind Gjokutaj raportoi mbi veprimtaritë e kryera përgjatë vitit 2018.
Gjokutaj deklaroi se nga institucioni që ai drejton janë evidentuar 347 raste, ku 127 prej tyre kanë shërbyer si indicie për hetim.
“Në bazë të planit kemi bërë gati projektligje, që duhen miratuar në mars-prill 2019, për t’i lënë kohë zbatimit të tyre. Nga 347 raste, 127 prej tyre kanë shërbyer si indicie për hetim. 24 udhëra në 2018 për 5.4 mln. Asetet e sekuestruara në total 9.5 mln euro. Në 32.8 mln euro të sekuestruara gjatë 2018 të bllokuara nga llogaritë bankare , ndërsa u verifikuar 4552 persona. Nuk ka ndonjë vend të botës që nuk pastrohen para. Cështja është sa efektive janë autoritetet e një vendi. Nëse do kishim indicie për pastrim parash nga bankat, patjetër do kishte hetime për ato banka. Nuk kam informacion per banka të përfshira në pastrim parash.”- tha Gjokutaj.
Ndër të tjera në fjalimin e tij, Gjokutaj shprehu mirënjohje dhe vlerësoi bashkëpunimin me Shërbimin Infromativ Shtetëror si dhe me ndërkombëtarët për sa i përket goditjes së fenomenit të pastrimit të parave.
“Bashkëpunimi me SHISH shumë efektiv për parandalimin e pastrimit të parave dhe terrorizmit. Në 2018, janë rikuperuar nga drejtoria e tatimeve 34.4 mln lekë nga të dhënat që ka dërguar drejtoria jonë. 7 raste janë dërguar për kallzim penal.Ka ende vend për forcimin e mbikëqyrjes. Bashkëpunimi me ndërkombëtarët është shumë pozitiv.” -theksoi Gjokutaj.
/a.meta
