Policia e Pukës bën me dije se ka shpallur në kërkim Vladimir Topjanën, pasi ditën e sotme ka tentuar të vrasë disa persona.
Mësohet se 36-vjeçari nga Fushë-Arrëzi duke drejtuar mjetin e tij tip Landrover ka goditur me qëllim vrasjen e personave që ndodheshin në mjetin tip wolkswagen të drejtuar nga Artan Gega.
Si pasojë e goditjes ka marrë dëmtime Artan Gega dhe xhaxhai i tij M. G. 61 vjeç banues në fshatin Lumardhe, Fushë Arrëz, ndërsa babai i tij nuk ka pësuar dëmtime.
Gega mësohet të ketë deklaruar në polici se 36-vjeçari, më pas i ka dalë përsëri para duke e kërcënuar me armë, pistoletë ku ka qëlluar në drejtim të tij, por nuk ka patur të dëmtuar.
Vladimir Topjana, punonjës zjarrëfikses, ka konflikte që datojnë që para një viti me Artan Gegën, konflikte këto për motive të dobëta në fshatin Lumarh, ku dhe jetonin.
Lidhur me këtë ngjarje, policia ka sqaruar përmes një njoftimi për mediat, se materialet proceduriale të deritanishme i kanë kaluar Prokurorisë së Rrethit Gjyqësor Pukë në ngarkim të 36-vjeçarit për veprën penale “Vrasje në rrethana cilësuese, mbetur në tentative”.
Njoftimi i policisë
Më datë 09.01.2018 nga strukturat e Komisariatit të Policisë Pukë u bë shpallja në kërkim dhe po punohet për kapjen dhe arrestimin e shtetasit:
V. T. 36 vjeç, banues në fshatin Lumardhe, Fushë Arrëz
Shpallja në kërkim e këtij shtetasi u bë pasi më datë 09.01.2018, në qytetin Fushë Arrëz duke drejtuar mjetin e tij tip Landrover me targë DR 1657 F ka goditur me qëllim vrasjen e personave që ndodheshin në mjetin tip Wolkswagen të drejtuar nga shtetasi A. G, 26 vjeç, banues në fshatin Lumardhe, Fushë Arrëz, dhe është larguar.
Si pasojë e goditjes ka marrë dëmtime drejtuesi i mjetit Wolkswagen shtetasi A. G. dhe pasagjeri, xhaxhai i tij shtetasi M. G. 61 vjeç banues në fshatin Lumardhe, Fushë Arrëz.
Gjithashtu sipas deklarimeve të shtetasit A. G., shtetasi V. T. më vonë i ka dalë përsëri para duke e kërcenuar me armë, pistoletë ku ka qëlluar në drejtim të tij, por nuk ka patur të dëmtuar.
Grupi hetimor nuk ka gjetur gëzhoja në vendngjarje.
Materialet iu referuan Prokurorisë së Rrethit Gjyqësor Pukë në ngarkim të shtetasit V. T. për veprën penale “Vrasje në rrethana cilësuese, mbetur në tentative”, parashikuar nga neni 79/dh, 22, të Kodit Penal.
