Teksa dëshmitari i prokurorisë Ylvi Beqja ka nisur të rrëfejë para gjykatës një pjesë të dëshmisë së tij kundër Emiljano Shullazit dhe tre personave të tjerë, në gjykatë është regjistruar një kërkesë për përjashtim të gjyqtarëve të trupit gjykues.
Kërkesa është depozituar në emër të Emiljano Shullazit, i cili kërkon përjashtimin e trupit gjykues, pasi sipas Shullazit gjyqtarët janë të njëanshëm.
Në kërkesën që Shullazi ka depozituar në sekretarinë e gjykatës thuhet se trupi gjykues është i njëanshëm, pasi ka administruar në dosje,një pjesë të dëshmisë së dëshmitarit Ylvi Beqja, pra prani e Shullazit në gjykatë shkruan Shqiptarja. Kjo sipas Shullazit përbën një shkelje të një procesi gjyqësor të drejtë dhe veprimin e gjyqtarëve për ta dëgjuar dëshminë e Beqjat në mungesë të të akuzuarve, sipas tij është i njëanshëm.
Madje në seancën gjyqësore kur është dëgjuar një pjesë e rrëfimit të Beqjat, Shullazi pretendon se nuk kanë qënë as avokatët e tij mbrojtës, por gjyqi është zhvilluar me avokatë kryesisht të caktuar nga vetë prokuroria dhe vetë gjykata. Kërkesa për përjashtim do të gjykohet nga gjyqtari i vetëm Dritan Hallunaj gjatë ditëve në vazhdim.
Biznesmeni Yvli Beqja ka akuzuar Shullazin dhe pjesëtarët e bandës së tij për gjobëvenie. Ndërkohë kërkesa për përjashtimin e gjyqtarëve, rezulton se është përsëritur edhe në tre raste të tjera, kur gjyqtarët e kanë rrëzuar këtë kërkesë. /a.m.
