Kryebashkiaku Erion Veliaj ka shpjeguar në emisionin “3D” të Alban Dudushit në RTSH1 se e sheh veten si pasardhës të kryeministrit Rama apo jo.
Veliaj vuri në dukje se ai nuk ka ambicie për të qenë kryeministër pasi kërkon t’i përkushtohet familjes së tij, duke nisur nga e ëma, e shoqja dhe djali.
Megjithatë, Veliaj tha se do të jetë aktiv por në rend të parë vjen familja.
“Jo as mendoj dhe as e besoj! As merrem me thashetheme, as i kultivoj dhe as më pëlqen t’i komentoj. Kështu që nëse do të dish se çfarë do të bëj edhe në fusha të tjera, detyrimin më të madh, ia kam familjes sime.
Kështu që dua të kaloj kohë me nënën time që ka vuajtur nga të gjithë angazhimin tim politik dhe ime shoqe. Do jem gjithnjë aktiv por besoj se njerëzit nuk kanë nevojë për spaleta për të qenë të dobishëm në shoqëri. Dua të kaloj kohë me djalin tim. Me shpresë Perëndia na jep një vëlla dhe një motër tjetër. Dua t’i përkushtohem më shumë familjes”, theksoi Veliaj.
/a.r
