Kompania ajrore japoneze “All Nippon Airways” (ANA) njoftoi sot se një prej avionëve të saj që po operonte një fluturim mes Los Anxhelesit dhe Tokios i është dashur të kthehej në gjysmë të fluturimit sepse një pasagjer kishte ngatërruar avionin.
Fluturimi NH175 i ANA-s me destinacion Tokyo Narita u nis nga Los Anxhelesi në orën 11:36 (19:36 GMT), por i është dashur të kthehej në gjysmë të fluturimit pas katër orësh, ndërkohë që fluturonte mbi Paqësor në jug të Alaskës duke u kthyer në pikën e nisjes në orën 19:32 (mercredi 03:32 GMT), sipas të dhënave të fluturimit në faqen e FlightAware.
“Sipas procedurave të sigurisë së kompanisë, komandanti i bordit ka vendosur rikthimin në aeroportin e nisjes, ku pasagjeri ka zbritur”, theksoi ANA në një komunikatë.
“ANA po heton lidhur me këtë situatë për të kuptuar pse pasagjeri ka hypur në këtë avion”, theksoi kompania duke u kërkuar falje të gjithë pasagjerëve të saj.
“Kalova tetë orë në një avion për asgjë”, shkruan e indinjuar në Twitter modelistja amerikane, Christine Teigen, që ndodhej në bord me bashkëshortin, muzikant dhe aktor, John Legend.
“Pse duhet të dënoheshim të gjithë për gabimin e një personi të vetëm? Pse nuk ndaloi në Tokio dhe të rikthente personit tjetër? Të gjithë kanë të njëjtat pyetje”, shprehet ajo në rrjetin social.
a.ç
