Tenton t’i vjedh çantën një gruaje, nën kërcënimin e thikës, por vihet në pranga.
Efektivët e policisë Gramsh arrestuan në flagrancë V. P., 56 vjeç, banues në fshatin Lenie, Gramsh.
Arrestimi i tij u bë pasi ditën e djeshme, e hënë, teksa ishte pasagjer në autobusin e linjës Lenie-Gramsh, nën kërcënimin e një thike, ka tentuar t’i vjedhë një çantë dore shtetases L. M., banuese në fshatin Lenie, Gramsh.
Me marrjen e njoftimit, menjëherë në vendngjarje kanë shkuar shërbimet e policisë dhe kanë bërë arrestim në flagrancë të të dyshuarit
Në cilësinë e provës materiale u sekuestrua thika e përdorur nga autori.
Ndaj të ndaluarit, materialet iu referuan Prokurorisë së Elbasanit, për veprat penale “Vjedhja me dhunë” e mbetur në tentativë dhe “Mbajtja pa leje e armëve të ftohta”.
g.kosovari
