55-vjeçarin Prendush Fusha, i qëlluar për vdekje me thikë një natë më parë, e ndante vetëm një mur me Alfred Pëllumbin, fqinjin e tij. Një ditë pas vrasjes, të dyja banesat në Shkodër janë braktisur. Nuk dihet nëse shkak për braktisjen është bërë frika nga hakmarrja apo degjenerimi i konfliktit të një dite më parë, por gazetari Ergys Kavaja raporton për Report Tv se në të dyja banesat nuk ka hyrje e dalje dhe mbizotëron heshtja. Madje siç shton ai, familja e Prendush Fushës ka zgjedhur një lokal për të kryer të gjitha ritet e përcjelljes së njeriut të dashur për në banesën e fundit.
Sakaq, policia e Shkodrës ka lokalizuar zonën ku mund të fshihet autori i vrasjes së 55-vjeçarit Prendush Fusha. Sipas gazetarit të Report Tv, Ergys Kavaja blutë e Shkodrës kanë krehur që në orët e para të mëngjesit të sotëm fshatin Bardhaj me qëllim që të bien në gjurmët e 30-vjeçarit Alfred Pëllumbi.
55-vjecari Prendush Fusha u vra me thikë nga komshiu i tij pas një sherri për motive të dobëta. Një ditë më parë Alfred Pëllumbi e denoncoi në polici viktimën dhe e akuzonte si personin që i kishte grabitur banesën. Por pa pritur hetimet e policisë, ai zgjodhi të bënte vetëgjyqësi. U përfshi në një konflikt mbrëmjen e djeshme dhe e qëlloi për vdekje me thikë. Dëshmitarët thonë se fqinjët kishin pasur vazhdimisht konflikte mes tyre.
ma.me
