Pasi doli nga takimi me Ramën dhe presidentin Nishani, kreu i demokratëve Lulzim Basha ka zhvilluar sot një mbledhje urgjente me aleatët e PD-së. Takimi zgjati rreth 90 minuta, dhe përfundoi rreth ores 15:55.
Në takim mësohet se Basha ka diskutuar me aleatët ofertën e kryeministrit Rama. Kreu i opozitës njohu aleatët me diskutimet dhe çështjet e parashtruara në tryezën e diskutimeve.
Sipas burimeve nga mbledhja është rënë dakord për vijimin e negociatave me shumicën për gjetjen e një zgjidhje.
Basha ka deklaruar se negociatat janë në proces dhe ka angazhim të shtuar edhe të ndërkombëtarëve për zgjidhjen e ngërçit.
Nga ana tjetë presidenca njoftoi se Nishani “vijon të mbajë kontaktet me palët për gjetjen e një zgjidhjeje të mundshme mbi bazë kompromisi”./javanews.al
c.a
