Zyrtarët në Bruksel thanë se aplikimi duhet të vlerësohet menjëherë nga Këshilli dhe të merret vendimi nëse do të kërkohet opinion urgjent nga Komisioni Europian, sipas The Guardian.
Që Ukraina të bëhet një vend anëtar i BE-së, ajo do të kalojë një periudhë të para-anëtarësimit me kohëzgjatje të ndryshme, gjatë së cilës vendi kandidat përshtat institucionet, standardet dhe infrastrukturën e tij për t’i mundësuar asaj të përmbushë detyrimet e tij si shtet anëtar.
Ditën e sotme, presidenti ukrainas, Volodymyr Zelenskiy, i bëri thirrje Bashkimit Evropian për anëtarësim urgjent në bllokun 27-anëtarësh të vendit sipas procedurave speciale.
Që Ukraina të bëhet një vend anëtar i BE-së, ajo do të kalojë një periudhë të para-anëtarësimit me kohëzgjatje të ndryshme, gjatë së cilës vendi kandidat përshtat institucionet, standardet dhe infrastrukturën e tij për t’i mundësuar asaj të përmbushë detyrimet e tij si shtet anëtar.
Shqipëria, Republika e Maqedonisë së Veriut, Mali i Zi, Serbia dhe Turqia janë aktualisht vende kandidate.
Por qe Ukraina i përket Bashkimit Evropian dhe blloku do të donte ta shihte sa me shpejt vendin t’i bashkohej me kohë, e tha dhe presidentja e Komisionit Evropian Ursula von der Leyen.
“Ne kemi një proces me Ukrainën që është, një shembull, integrimi i tregut ukrainas në tregun e vetëm. Ne kemi bashkëpunim shumë të ngushtë në rrjetin e energjisë, një tjetër shembull. Kaq shumë tema ku ne punojmë shumë ngushtë së bashku dhe në të vërtetë me kalimin e kohës, ato na përkasin ne. Ata janë njëri prej nesh dhe ne i duam ata brenda”, tha Von der Leyen.
Në një video mesazh për përditësimin e situatës së luftës në Ukrainë, presidenti ukrainas Volodymyr Zelensky i kërkoi Bashkimit Evropian “të pranojë urgjentisht Ukrainën” në BE, ndërsa shtoi se “mbështetja e koalicionit tonë kundër luftës është e pakushtëzuar dhe e paprecedentë.
Pas deklaratës së Zelenskyt zyrtarët në Bruksel thanë se “kjo do të duhet të vlerësohet shumë shpejt nga këshilli dhe të merret vendimi nëse do të kërkohet një opinion urgjent nga Komisioni Evropian”.
Ukraina prej 5 ditësh po përballet me bombardimet ruse, ku e gjithë bota ka dalë në mbështetje të saj. BE ka ndërmarr sanksione të shumta ekonomike ndaj Rusisë, ndërsa ka vendosur për herë të parë në historinë e saj që të dërgojë 450 milionë euro armatime në Ukrainë që të mbrohen nga sulmet ruse.
Përtej kësaj, lufta që po zhvillon Ukraina për të ruajtur vlerat e saj demokratike duket se ka shtyrë edhe më tej BE që “t’i garantojë rrugën Ukrainës drejt familjes europaine”./m.j
