Në Ambasadën e SHBA-së në Prishtinë, Përfaqësuesi Special i Presidentit amerikan për dialogun Kosovë-Serbi, Richard Grenell, ka filluar edhe takimet me krerët e partive politike në Kosovë.
I pari që ka takuar Grenell ka qenë kreu i Lëvizjes Vetëvendosje, Albin Kurti, i cili ka fituar edhe zgjedhjet e 6 tetorit.
Pas këtij takimi Kurti është parë teksa është larguar nga Ambasada e Shteteve të Bashkuara në Prishtinë me makinën e tij.
Më herët Grenell ka takuar presidentin Hashim Thaçi në zyrën e këtij të fundit në Presidencë.
Në një deklaratë për mediat, Richard Grenell ka shprehur pritjet e tij që dialogut ndërmjet Kosovës dhe Serbisë të rifillojë së shpejti dhe të gjendet një zgjidhje finale.
Sipas Grenell arritja e një marrëveshje do të kishte impakt pozitiv për zhvillimin e gjithë rajonit.
Ndërkohë Thaçi ka thënë se Kosova do të jetë konstruktive në gjetjen e një zgjedhjeje, e cila do t’i hapë rrugë zhvillimit dhe ka shtuar se “pjesëmarrja aktive e SHBA-së në gjetjen e një zgjidhjeje përfundimtare ndërmjet Kosovës dhe Serbisë do të jetë përcaktuese”.
g.kosovari
