Pas takimit me ministrat në ditën e dytë të tij në Pogradec, Kryeministri Edi Rama ka pritur në vilën qeveritare disa të moshuar që i kishin shkuar dhe këmbëngulnin për takim me të.
Në pamjet e transmetuara nga TCH shihet momenti kur të moshuarit hyjnë në vilën qeveritare njëri pas tjetrit për t’u takuar me Kryeministrin e vendit.
Në prononcime, disa prej tyre kërkojnë zgjidhje të problemeve sociale apo për pronat.
“Dua të takoj Kryeministrin. Dua t’i them pse nuk më kanë kthyer pasurinë. Nuk kam marrë asgjë. Nuk është zgjidhur ky problem. Ai mund ta zgjidhë, askush tjetër”, u shpreh një prej të moshuarve.
