Kryetari i Partisë Demokratike Lulzim Basha ka zhvilluar një takim me eurodeputetin Knut Fleckenstein, raportues për Shqipërinë në PE.
Në takimin e zgjatur për më shumë se 1 orë, u diskuktua për situatën politike në vend dhe çuarjen përpara të Reformës në Drejtësi, me fokus te Vettingu. Pas takimit kreu i opozitës Basha deklaroi se i ripërsëriti eurodeputetit vendosmërinë e opozitës për t’i shkuar deri në fund protestës deri në largimin e qeverisë Rama dhe në ngritjen e një qeverie teknike. Ai shprehur vendosmërinë për të mos hyrë në zgjedhje pa përmbushjen e kërkesave të opozitës.
Referuar bllokimit të procesit të reformës, ai tha se mazhoranca Rama-Meta prishi konsensusin për 7 ligjet organike.
“Jemi përpara një kolapsi institucional. I vetmi institucion që qëndron është ai që ka shkaktuar kolpasin, qeveria e Ramës. Ndaj ngrita shqetësimin për zgjedhje të lira. Kjo nuk mund të ndodhi me këtë qeveri, ndaj PD është e vendosur për të qëndruar krahë qytetarëve. Unë i deklarova zotit Fleckenstein se opozita nuk ka vend në këtë parlament fasadës sa kohë zgjedhjet e lira janë në rrezik. Zoti Fleckenstein nuk është këtu për të negociuar. Detyra ime ishte ta informoja për qëndrimet tona dhe vendosmërisë për t’i shkuar deri në fund kauzës sonë për zgjedhjde të lira. Mazhoranca Rama-Meta premtoi se do të kalonteme konsensus 7 ligjet organike të reformës. Ishte mazhoranca Rama-Meta që e shkeli premtimin”, deklaroi Basha.
Ndërkohë Fleckenstein nuk u prononcua pas takimit por më herët gjatë ditës ai deklaroi për mediat se opozita duhet të kthehet në Parlament, referuar bojkotit parlamentar që ka nisur paralelisht me protestën.
