Pas raketave mbi vendndodhjen e laboratorëve sirianë të armëve kimike, i vjen radha bisedimeve. Këtë po mundohet ta bëjë Franca e cila ka shprehur gatishmërinë të bindë Rusinë të përfshihet në bisedime politike për të gjetur zgjidhje për Sirinë.
Gazeta franceze “Journal du Dimanche” shkruan se Ministri i Jashtëm francez, Jean-Yves Le Drian ka deklaruar se “nevojitet që të bashkojmë përpjekjet tona për të promovuar një proces politik në Siri, që do të lejonte ndjekjen e një rruge për zgjidhjen e krizës”.
Franca ka mbajtur kanale të vazhdueshme komunikimi me Rusinë, edhe pse tensionet mes Lindjes dhe Perëndimit janë përkeqësuar ndjeshëm. Këtë e dëshmon edhe biseda telefonike që pati këtë të premte Presidenti francez, Emmanuel Macron, me homologun e tij rus, Vladimir Putin.Telefonata u zhvillua pak orë përpara sulmit të koordinuar nga SHBA, Britania e Madhe dhe Franca.
a.ç
