Pas kërcënimit me anë të një mesazhi telefonik, Ministri i Brendshëm Saimir Tahiri dhe familja e tij është marrë në mbrojtje nga forcat RENEA.
Lajmi bëhet i ditur nga burime për JavaNews.al sipas të cilave janë marrë masat për blindimin e sigurisë së Ministrit Tahiri dhe familjarëve të tij. Po ashtu bëhet e ditur se nga ana e saj Prokuroria e Përgjithshme pritet të marrë një vendim për mbrojtjen e ministrit dhe familjarëve të tij për një kohë të papërcaktuar qoftë edhe pasi Tahiri të lërë detyrën e ministrit.
Sipas informacioneve, Tahiri mori një mesazh kërcënues me datën 9 maj, ku i thuhej të mos merrej me familjen Gjuta se do të kishte probleme. Ky mesazh besohet se ka lidhje me atentatin që ju bë farmacisë së babait të tij më 10 shkurt dhe valës së arrestimeve për këtë ngjarje.
Menjëherë pas kërcënimeve Tahiri ka nisur të lëvizë me mjet të blinduar.
