Tuneli i Kalimashit në rrugën e Kombit ishte bërë prej kohësh tashmë një objekt i “dëshiruar” për shumë njerëz të apasionuar për shpejtësinë. Madje u bë dhe objekt duelesh, se kush ecte më shumë.
Dy video të postuara në rrjetet sociale, ajo e një shqiptari dhe ajo e një djali nga Prishtina bënë xhiron në rrjetet sociale, teksa makinat e tyre i kalonin të 300 km/orë.
Nisur nga ky fakt si dhe për të rritur parametrat e sigurisë, policia ka vendosur që të vërë në tunel radarë poër matjen e shpejtësisë.
Në vijim të Planit Operacional “TISPOL”, Task Forca e Policisë Rrugore gjatë 48 orëve të fundit po operon në territorin e Policisë Vendore Kukës.
Si rezultat, gjatë 48 orëve të fundit në territorin e Drejtorisë Vendore të Policisë Kukës ku po operohet në Kukës, Has, Tropojë dhe në Tunelin e Kalimashit janë arritur këto rezultate:
• Janë proceduar penalisht 6 shtetas për drejtim mjeti nën efektin e alkool dhe për drejtim mjeti pa leje drejtimi.
• Janë pezulluar 48 leje drejtimi, konkretisht: 38 leje drejtimi për shpejtësi tej normave të lejuara në Tunelin e Kalimashit konstatuar me Radar.
• 5 leje drejtimi të pezulluara për drejtim mjeti nën ndikimin e alkoolit, konstatuar me Drager.
• 5 leje drejtimi të tërhequra për dhënie mjeti për drejtim personave qe janë të pa paisur me leje drejtimi.
• 54 drejtues mjetesh u ndëshkuan me masë plotësuese dhe u dërgua për gjykim në OASH-KUKËS.
• U vendosën 46 masa administrative për shkelje të ndryshme si mospërdorim të sistemeve të fiksimit (kryesisht rripi i sigurimit) dhe përdorim të celularit gjatë drejtimit të mjetit.
• U bllokuan 12 mjete për mungesë dokumentacioni.
Gjithashtu në Kukës, Has e Tropojë po bëhet pilotimi i kamerave të trupit të punonjësit të Policisë.
Më poshtë videot që qarkulluan në rrjetet sociale
