Veç mbështetjes së madhe që ka nga shqiptarët kudo ku ndodhen, këngëtarja Elhaida Dani ka marrë përkrahje të madhe edhe nga Italia.
Në fakt është televizioni italian “Sorrisi” i cili ka realizuar një intervistë me Skype me këngëtaren shqiptare e cila aktualisht me ekipin e saj po qëndron në Austri.
“Ishte një surprizë e bukur të dëgjoje emrin Elhaida Dani e kualifikuar në finale duke përfaqësuar vendin e saj në garën më të madhe të muzikës në botë”, thuhet në videointervistën e televizionit italian.
Elhaida ka shprehur optimizmin e saj në këtë intervistë, duke thënë se ndihet shumë mirë para finales ku do të sfidojë shumë shtete përfshirë Italinë, një vend që i ka dhënë shumë këngëtares.
