Pas sherrit të ndodhur ditën e Martë në Prishtinë ku disa nga anëtarët e grupit Babastars u përleshën me armë me Noizyn, ky i fundit ka reaguar në rrjetet sociale.
“Dikush do mbajë përgjegjësi. Shihemi”, kanë qenë fjalët që reperi ka shkruar bashkangjitur një fotoje të publikuar në Instagram. Ky konflikt që i ka rrënjët vite më parë për shkak ka konkurencën mes grupit Babastars dhe OTR, do të vazhdojë sërish pasi Noizy duket se nuk do ta ndalë me kaq.
Por çfarë ndodhi saktësisht dy ditë më parë?!
Rreth orës 17:00 të ditës së Martë, mediat kosovare raportuan se përballë një hoteli në qendër të Prishtinës u dëgjuan të shtëna me armë e më pas u konfirmua se personat që ishin përfshirë në konflikt ishin Noizy kundër reperit Cozman dhe disa miqve të këtij të fundit.
Pas të shtënave Noziy është plagosur dhe mjekët konfirmuan se i është hequr një plumb nga trupi, por pa pasoja të rënda. Po ashtu i lënduar mbeti edhe Denis Hajri që ndryshe njihet si Varrosi, i cili iu nënshtrua edhe një operacioni ditën e djeshme, ndërsa reperi Cozman dhe Albert Krasniqi u arrestuan nga Policia.
Ndërsa ditën e sotme avokati i Cozman ka bërë me dije se klienti i tij do të lirohet./panorama/a.k
