Presidenti Ilir Meta ka pritur sot në Presidencë, ish të dërguarin e SHBA për dialogun Kosovë-Serbi Richard Grenell, i cili po zhvillon një vizitë në Shqipëri.
“Ishte kënaqësi të takoja këtë mëngjes Ambasadorin Grenell. Mbështes përpjekjet e tij të vazhdueshme për të promovuar investimet amerikane dhe bashkëpunimin ekonomik në rajon, si e vetmja mënyrë për të garantuar mirëqenie për të gjithë qytetarët tanë dhe veçanërisht brezin e ri. Përpara vizitës të tij në Jug të vendit i dhurova librin “Albania from the Air”, një botim i veçantë mbi mrekullitë natyrore shqiptare, pasi jam i sigurt se herën tjetër ai do të shpenzojë më shumë kohë për të eksploruar Shqipërinë tonë të bukur”, shkruan Meta krahas fotove të publikuara.
Grenell 2 ditë më parë ndodhej në Serbi, ndërsa tani ka kaluar në Shqipëri.
g.kosovari
