Ish-kreu i Aleancës Kuqezi, Kreshnik Spahiu, ka thënë mbremenë “open” se ky është viti i vetëm në histori që PD si opozitë nuk ka bërë asnjë protestë, zyrtare.
Juristi i njohur tha se pas protestës së 2 marsit që u kryesua nga Meta, pas asaj të Teatrit që u kryesua nga artistët dhe pas protestës për të ndjerin Klodian Rasha, qendrojnë militantët e PD dhe LSI.
Spahiu sqaroi se ndërkombëtarët janë tepër vendimtarë në zhvillimet aktuale në vend, ndaj dhe në ngjarjet e fundit kanë dalë në mbrojtje të Ramës dhe jo opozitës.
Spahiu: Gjithmonë ndodh që javën e parë kur bëhen protesta duket sikur Rama do bjeri nga pushteti. Ka shumë reagim dhe reaksion ditët e para. Por pas një jave rimerr veten Rama dhe bie opozita. Dy janë shkaqet kryesore:
E para, ky vit do hyjë në histori si viti i vetëm që PD nuk del në ballë zyrtarisht në një protestë. Meta pati atë për kushtetutën më 2 mars, por sheshi u mbush nga PD. Teatri u kryesua nga artistët, por sheshin e mbushën PD dhe LSI. Kishim dhe protestën për Klodian Rashësn, që u nis si revoltë nga populli, por dhunën në shesh e bënë militantët e PD dhe LSI.
Së dyti, kemi ndikimin e ndërkombëtarëve. Metës i thanë mos përdor flamurin tonë në protestën tënde. Tek protestat e teatrit Kim i bëri thirrje liderëve që po bëni lojë, po i bëni për zhurmë që të shmangni vettingun dghe procesin në drejtësi. Pas dy ditësh u bë tryeza e 5 qershorit.
Dhe e treta, pse u ndal protesta. Kryemadhi tha se më thirri Yuri Kim dhe më tha hiq halabakët nga rruga. Në të treja protestat del hapur që ndërkombëtarët janë rreshtuar krah Ramës.
g.kosovari
