Pas Prokurorisë së Përgjithshme, presidenti Ilir Meta i ka dërguar një kërkesë edhe SPAK për informacion për ministrat e rinj të qeverisë ‘Rama III’.
Meta kërkon nga SPAK dhe Prokuroria e Përgjithshme nëse ministrat janë në procese gjyqësore. Ndërkohë, drejtuesi i SPAK, Arben Kraja u shpreh për Top Channel se e njëjta kërkesë i është përcjellë edhe SPAK dhe se kërkesa po shqyrtohet me përparësi.
Më herët, u raportua se Prokuroria e Përgjithshme e ka marrë në konsideratë shkresën e Ilir Metës duke i dërguar sot kërkesa për informacion në Prokuroritë e Rretheve për ministrat e rinj.
Prokuroria e Përgjithshme pas interesimit të mediave u shpreh se “Shumë shpejt do t’i përgjigjemi Presidencës”.
Kujtojmë qe Presidenti Ilir Meta dekretoi një ditë më parë (11 shtator) Edi Ramën si Kryeministrin e Shqipërisë.
/a.r
