Gjykata e Kukësit vendosi sot masën e sigurisë të arrestit shtëpiak për ish-kryetarin e Bashkisë së Kukësit Hasan Halilaj, i cili akuzohet për shpërdorim detyre.
Ky vendim u mor për shkak se Halilaj vuan nga probleme me zemrën, duke ndryshuar masën që ishte dhënë në mungesë ndaj tij, atë të arrestit me burg.
Hasan Halilaj u shpall në kërkim për shpërdorim të fondeve publike, konkretisht akuza ndaj tij është se ka financuar FK Kukësin, me fondet e Bashkisë të destinuara për pagesat e sigurimeve shëndetësore.
Vetëm disa ditë pas shpalljes në kërkim, ai u vetëdorëzua, ku fillimisht të afërmit e dërguan në spitalin e Kukësit me urgjencë, për shkak të problemeve shëndetësore, e më pas blutë e këtij qyteti e arrestuan.
