Ngjarjet e fundit në Francë, kanë bërë që policia e shtetit të shtojë masat e sigurisë, një ndër to është edhe aeroporti “Nënë Tereza” ku ka një prani të shtuar të efektivëve të rendit.
Shërbim 24 orësh te forca të policisë, veshje me atiplumb si dhe kontrolle të herë pas hershme me qenin antieksploziv.
Përgjatë 24 orëve, krahas efektivave të komisariatit të aeroportit, qëndrojnë edhe forcat e ndërhyrjes së shpejtë. Policët janë të pajisur edhe me antiplumb, ndërsa është rritur numri i patrullimeve në ambientet e jashtme dhe të brendshme të aeroportit. Një vëmendje është shtuar edhe ndaj kontrollit trupor të pasagjereve si dhe të bagazheve për sende të dyshimta.
Nuk kanë munguar edhe rastet e kthimeve, ndërsa drejtues të komisariatit te Rinasit, thonë se janë shtuar edhe intervistat e riskut, për të dyshuarit ku ka pasur edhe nje numër te konsiderueshëm te personave te kthyer, te cilët kane patur mangësi ne dokumentacion. Prej dy ditësh, e gjithë policia ka kaluar ne gatishmëri te përforcuar.
