Pas përfundimit të Kuvendit Kombëtar të Partisë Demokratike, kryedemokrati Lulzim Basha ka përshëndetur vendimet e miratuara këtë të shtunë.
Kryetari i PD-së ka publikuar në Twitter një video me përmbledhjen e disa prej momenteve nga Kuvendi i sotëm.
Krahas videos, Basha shprehet se me Kuvendin, është hapur një faqe e re për Partinë Demokratike e për ta shndërruar atë në alternativën e shpresës për shqiptarët.
Postimi i Lulzim Bashës:
Jam krenar për guximin me të cilin Kuvendi Kombëtar vendosi të zgjedhë të ardhmen, vendosi të hapë një faqe të re për Partinë Demokratike, për ta shndërruar atë në alternativën më të pastër, në shpresën më të bukur që shqiptarët kanë për ndryshim.
Kujtojmë se në Kuvendin e kësaj të shtune, u miratua një rezolutë që shpallte si të pa vlefshme Kuvendin e datës 11 dhjetor, si dhe nuk lejonte persona të shpallur non grata që të kenë poste drejtuese në parti.
