Ministri italian i Punëve të Brendshme, Matteo Salvini tha se Italia nuk do të bëjë asnjë ndryshim në projektbuxhetin e saj ndonëse Komisioni Europian e kundërshtoi atë.
“Asgjë nuk do të ndryshojë, spekulimet mund të pushojnë, nuk ka kthim pas”, tha Salvini sipas citimeve të bëra nga agjencia italiane e lajmeve ANSA.
Gjatë një vizite në Bukuresht, ai tha gjithashtu se “Komisioni po sulmon popullin (italian)”.
Komisioni Europian hodhi posht buxhetin e Italisë për vitin 2019 në një lëvizje të paprecedentë, duke i bërë thirrje qeverisë populiste të Romës që të paraqesë shpenzime të rishikuara brenda tre javësh.
/b.d
