Pas publikimit të fotos, e cila u përfshi nga shumë komente dhe kritika, e fituesit të Eurovizon, suedezit Mans Zelmerlow, ku shfaqet i shtrirë mbi flamurin shqiptar, ka ardhur edhe reagimi i tij.
Në fakt ai nuk ka folur por i vetmi reagim i tij ishte heqja e fotos nga profili në Instagram.
Fotoja është interpretuar sikur këngëtari suedez kishte vendosur këmbët mbi flamurin shqiptar.
Në rrjete sociale kanë vijuar komentet rreth fotos, duke thënë se edhe pse pa dashje sërish ai duhet të kërkojë falje pasi për atë flamur është derdhur shumë gjak.
