Banorët e fshatrave buzë rrugës që të çon në aeroportin e Tiranës duket se e kanë fituar betejën me Autoritetin Rrugor. Ky i fundit njofton se rruga do të kthehet me dy sense lëvizjeje siç ka qenë më parë.
Njoftimi:
Kthehet në gjendjen e mëparshme Rruga e Rinasit, qarkullimi do të vijojë me dy sense lëvizjeje deri në një zgjidhje përfundimtare me qëllim lehtësimin e trafikut në segmentin Qafë Kashar-Rrethrrotullimi i Rinasit-Ahmetaq.
Apel ynë për të gjithë drejtuesit e mjeteve që vijnë nga veriu të përdorin akset alternative për të mos rënduar trafikun në rrugën që të çon drejt aeroportit të Rinasit.
Udhëtarë/turistët që marrin fluturimet të marrin në konsideratë fluksin e lartë të mjeteve në këtë aks duke përllogaritur orarin e nisjes.
Banorët e Rinasit prej katër ditësh protestuan duke kundërshtuar vendimin e ARRSH që e ktheu rrugën me vetëm një drejtim qarkullimi. Ky ndryshim pengonte furnizimin e bizneseve të zonës, vajtjen e fëmijëve në shkollë apo edhe lëvizjen për arsye të tjera jetike.
