Kreu i Grupit Parlamentar të Partisë Socialiste, Taulant Balla ishte sot në Librazhd në kuadër të takimeve për llogaridhënien.
Ai ka folur edhe për akuzat e opozitës ndaj Ministrit të Brendshëmn Fatmir Xhafaj.
Balla tha se jemi para një inskenimi ku siç tha ai “janë të përfshirë, jo vetëm politikanë të korruptuar si Saliu, Monika, Luli, por janë të përfshirë edhe gjyqtarë të korruptuar, të cilët Vettingu do t’i pastrojë nga sistemi i drejtësisë”.
“Ne do të kishim marrë masa të ashpra ndaj kujtdo nëse një e një mijta e kësaj historie me babalen do të ishte e vërtetë. Por gjithë ky inskenim shantazhi ndaj Fatmir Xhafës si ministër vjen për shkak të luftës pa kompromis që ky i fundit i ka shpallur krimit të organizuar. Dhe në këtë inskenim janë të pë rfshirë, jo vetëm politikanë të korruptuar si Saliu, Monika, Luli, etj; por janë të përfshirë edhe ndonjë gjyqtar i korruptuar, të cilët duke qenë se Vettingu do t’i pastrojë nga sistemi i drejtësisë, u munduan të shantazhojnë ministrin, të shantazhojnë qeverinë, për të mos lejuar vijimin e aksionit “Forca e Ligjit” dhe për të mos vijuar punën që kemi nisur”, deklaroi Balla./a.m.
