Pas gjyqtarit policia ndalon edhe kushëririn e tij, dyshohet si sekser

Zbardhen detaje të reja nga arrestimi i gjyqtarit Shkëlqim Miri. Policia e Tiranës ndalon edhe kushërinë e tij, shtetasin Kujtim Miri. Miri u ndalua me urdhër të Krimeve të Rënda pasi dyshohet se ka pasur rolin e sekserit. Shkëlqim Miri është ndaluar me urdhër të Prokurorisë së Krimeve të Rënda gjyqtari të cilit iu gjetën në banesë gjatë një kontrolli rreth 34 milion lekë të reja.

Pas kontrollit të banesës që ju bë në orët e para të mëngjesit, gjyqtari u ndalua nga policia dhe aktualisht ndodhet në qeli. Me ndryshimet e reja ligjore, ndalimi apo arrestimi i një gjyqtari mund te behet edhe pa autorizimin e Këshillit të Lartë të Drejtësisë. Më herët ishte KLD që pasi shqyrtonte kërkesën e prokurorisë autorizonte ose jo arrestimin. Tashmë në mbledhjen e radhës KLD-ja mund të vendosë thjeshtë pezullimin e gjyqtarit.

Prokuroria ka kërkuar arrest me burg në për gjykatësin dhe masa ndaj tij pritet që të jepet të dielën. Shkëlqim Miri është gjyqtar i Apelit në Tiranë, ish anëtar i KLD-së. Ai është përfshirë në ndryshimin e një akuze nga vrasje në plagosje të rëndë me dashje. Në këtë proces ka qenë i pandehur Gentian Doda, nga Burreli i ekstraduar pak kohë më parë nga Amerika. /ma.me