Dy shqiptarë janë arrestuar nga autoritetet italiane, pasi dyshohet se janë drejtuesit e një bande të trafikut të kokainës.
Sipas asaj që raportohet në mediat Italiane, në pranga ka rënë shqiptari Nik Dauti 38- vjeçar, i njohur si “Besnik”, si dhe Artur Mahmutaj, 37- vjeç.
Arrestimi i tyre është bërë gjatë një operacioni në Itali i cili përfundoi me sekuestrimin e 75 kilogramëve kokainë në portin e Xhenovës, nga ku më pas do të shpërndahej më tej nëpër Itali.
Shkatërrimi i bandës që trafikonte kokainë ka ardhur pas arrestimit të një italiani 45- vjeçar i identifikuar nga mediat si Massimo Roça, 45 vjeç, i cili tashmë është në burg dhe konsiderohet si personi përgjegjës për trafikimin e drogës.
Përgjimet e realizuara nga autoritetet italiane kanë çuar në zbulimin dhe dokumentimin e të gjithë aktivitetit kriminal të bandës. /b.d
