Joe Biden po i afrohet gjithnjë e më shumë postit të Presidentit në SHBA. Pas epërsisë në Georgia, Biden ka përmbysur rezultatin edhe në Pensilvani, duke lënë pas kundërshtarin Donald Trump.
Në Pensilvani janë numëruar 99% e votave, ku aktualisht Biden ka 5587 vota më shumë sesa Trump, i cili nuk ka ndërmend që të pranojë fitoren e kundërshtarit të tij.
CNN citon burime nga Shtëpia e Bardhë që kanë konfirmuar se Trump nuk do të pranojë rezultatin edhe nëse humbet në një nga shtetet që janë ende në diskutim, hipotezë kjo që do t‘ia shuante shpresat për të arritur 270 vota elektorale.
Ndërkohë, sipas BBC, anlistët kanë thënë se fletët e votimit të mbetura për t’u numëruar mund të favorizojnë Joe Biden dhe nëse ai fiton shtetin, arrin 270 votat të nevojshme për të fituar presidencën.
Gjithashtu Joe Biden kryeson në Georgia me 99% të votave të numëruara.
Ndërsa në Arizona , Joe Biden kryeson me 1.6%, me 90% të votave të numëruara.
g.kosovari
