Ish-kreu i Bashkisë së Vaut të Dejes, Zef Hila, aktualisht deputet i Partisë Demokratike, ka shkuar sot në SPAK.
Hila është shfaqur duke dalë nga ambientet e Prokurorisë së Posaçme Antikorrupsion, ndërkohë, nuk dihet se për çfarë ka shkuar për të dëshmuar.
Ai ka qenë për nj` kohe të gjatë kryetar i komunës së Bushatit, si dhe më pas në vitin 2015 u zgjodh kryetar i Bashkisë Vau i Dejës, kur me reformën e re administrative Bushati dhe fshatrat rreth tij u bënë pjesë e kësaj njësie të re administrative.
Deputeti i PD në qarkun Shkodër, u shkarkua në vitin 2019 nga detyra nga ana e Këshillit të Ministrave, pasi si pasojë e veprimeve të udhëhequra nga Hila u sulmua me molotov Komisioni Zgjedhor i Administrimit Zonal të bashkisë Vau Dejës.
Më herët, Hila ka qenë në hetim nga Prokuroria e Shkodrës për lejet e ndërtimit. Hila është nën hetim edhe për disa prokurime që ka kryer gjatë kohës kur ka qenë kryetar i komunës Bushat.
/f.s
