Vetëm pak ditë nga incidenti i ndodhur në një prej godinave të përkohshme të Fakultetit të Ekonomisë masat e sigurisë janë rritur. Administratori i këtij fakulteti tregon për ReportTV se menjëherë pas incidentit janë shtuar rojet e sigurisë, si dhe një punonjës që studentët të adresojnë problemet.
“Studentët në Fakultetin e Ekonomisë duhet të ndjehen të sigurt, për arse se masat e sigurisë sidomos pas incidentit që ka pasur pak ditë më parë janë shtuar. Kemi shtuar masën e sigurisë me nga një punonjës shtesë të sigurisë fizike ndërkohë kemi kontakte dhe marrëdhënie shumë të mira me Policinë e Shtetit që është në këto ambiente në qytetin e studentit. Të gjitha këto objekte të Qytetit Studenti, studenti nuk do të hy pa treguar kartën e studentit tek roja i sigurisë fizike që është brenda ambienteve të fakultetit, pra në ato ambiente që mbahen nga fakulteti për zhvillimin e mësimit. Në këto kushte siguria e studentëve është e lartë, është mjaftueshëm, studenti duhet të ndihet i qetë dhe i sigurt kuptohet që ne e kemi rritur sigurinë tonë duke vendosur kamera e sigurisë, duke i montuar pasi akoma si kemi montuar shpresoj që deri më datë 11 t’i kemi të gjitha gati, duke ndriçuar të gjithë territorin përreth ku zhvillohet mësimi”, u shpreh administratori i Fakultetit të Ekonomisë, Ermal Haxhiaj.
Në ambientet e përkohshme, te auditorët e ish-mensës te Qytetit Studenti është shtuar një punonjës i Administratës së Fakultetit, i cili do të jetë prezent në këto godina prej orës 8 të mëngjesit deri në 8 të mbrëmjes, që studentët të adresojnë problemet.
