Pas rreth 1 muaj që mbajtën të mbërthyer opinionin publik me historinë e tyre si npër filmat e Hollyëood, është mbyllur në paqe drama e familjes Kajtazi. Është motra e madhe Orialda Kajtazi e cila pas dërgimit në qeli ka reflektuar duke kërkuar takim me prindërit në ambientet e burgut.
Madje ajo mësohet se u ka kërkuar prindërve mbështetje për vete dhe vajzën e vogël të familjes.
Orialda ka kërkuar takim me prindërit dhe u ka kërkuar falje atyre për të gjitha veprimet duke marrë përsipër veprimet. Babai Hiqmeti ka udhëtuar drejt kryeqytetit mesditën e djeshme për t’u takuar me të bijën, e cila fill pasi mbërriti në burgun e grave në Tiranë telefonoi familjarët dhe u kërkonte ndjesë. Babai i dy motrave, të cilat u larguan nga banesa dhe u gjetën pas një muaji në Vlorë, tregon se mesditën e djeshme ka takuar pas një muaji vajzën e madhe, Orialdën.
Siç duket tashmë është mbyllur edhe historia e motrave Kajtazi të cilat me arratinë e tyre nga shtëpia, morën vëmendjen e opinionit publik.
