Pas një statusi në Facebook të ish kryeministrit Sali Berisha, ku akuzohet për korrupsion drejtoni i Përgjithshëm i Burgjeve, Artur Zoto, ka reaguar edhe ministri i Drejtësisë, Ylli Manjani.
Përmes një statusi në Facebook publikuar dje, ish kryeministri shkruan se i ka ardhur një mesazh nga një punonjës pranë Drejtorisë së Përgjithshme të Burgjeve, që thotë ndër të tjera se, “një transferim nga një qeli para-burgimi në një burg kushton 600 €. Një vend pune varjon nga 3000 € deri ne 5000 €, e plotë e plotë pazare të tjera”.
Ndërsa në reagimin e tij, Manjani, fton denoncuesin që të paraqitet dhe të vendose një kontakt te drejtpërdrejtë me Ministrinë e Drejtësisë për ta paraqitur rastin, duke krijuar mundësinë e shqyrtimit te tij ne rruge zyrtare.
“Ministri Manjani bën me dije se është e nevojshme të njihet nga afër me pretendimet e denoncuesit me qëllim që të bëhen verifikimet e nevojshme. Duke siguruar se denoncimi i qytetarit do të hetohet me detaje, Ministri i Drejtësisë shpreh gatishmërinë për të marrë të gjitha masat që parashikon ligji nëse detajet e bëra publike rezultojnë të provuara. Ministri Manjani siguron maksimalisht denoncuesin se do të ketë garancinë e nevojshme të ruajtjes se anonimatit të tij”, vijon reagimi i Manjanit. Shqiptarja.com/ Javanews/a.k