Pas deklaratës së ambasadorit Donald Lu se qeveria e SHBA-së i ka ndaluar lëvizjen në Shtetet e Bashkuara disa gjyqtarëve të korruptuar, ka reaguar edhe Ministri i Drejtësisë Ylli Manjani. Ai theksoi se është i gatshëm që të nisë menjëherë procedurat për procedimin disiplinor deri në shkarkimin e atyre gjyqtarëve apo prokurorëve që për SHBA-në janë të korruptuar.
“Është një kontribut i jashtëzakonshëm që SHBA i jep shqipërisë në betejën kundër korrupsionit. Si MD jam i gatshëm të çel tani procedurat e shkarkimit për këdo nga ata gjyqtarë dhe prokurë që është në të tilla lista.
Detyra ime është që të filloj procedimin disiplinor deri në shkarkimin nga detyra për këdo që gjendet në kushtet e shkeljes së ligjit apo të diskriminimit të figurës së gjyqtarit.”- tha Manjani.
Por kush është, të paktën njëri prej gjyqtarëve për të cilët flet Ambasadori Lu?
Pak kohë më parë, gjyqtari Gjin Gjoni, i cili kishte aplikuar për një vizë në Amerikë, ka marrë një përgjigje negative nga ambasada e SHBA-së.
