Deklarata e teologut dhe njëherësh imamit Elvis Naçi mbi gratë duke i bërë ato me faj se pse burrat tradhtojnë, shkaktoi reagime të forta në publik, duke lëshuar një lumë akuzash dhe kritikash ndaj tij.
Dhe duke parë këtë situatë të krijuar, imami ka reaguar në Instagram me një foto të publikuar. Por ndryshe nga më parë, ai tashmë këshillon burrat e tij se çfarë duhet të bëjnë në mënyrë që gratë të mos u largohen. Sipas imamit, pesha apo pamja e jashtme e burrave nuk është ajo që ka rëndësi për gratë, por mungesa e dashurisë dhe përkujdesjes.
“Është një njeri që u largua për ty nga Dashuria e Nënës, ngrohtësia e babait, përkëdheljet e motrës, kujdesi i vëllait. Ajo është bashkëshortja jote! Prandaj një bashkëshort i vërtetë është vetëm ai që ja dhuron gruas së tij dashurinë, ngrohtësinë, përkëdheljet dhe kujdesin që i mungojnë.”
Naçi në deklaratën e tij për femrën dhe tradhtinë bashkëshortore shprehej se ajo duhet të dalë e zbukuruar para burrit dhe ta mbajë veten.
“Duhet femra të jetë e rregullt me bashkëshortin fiziologjik që të mos vuajë shoqëria nga imoraliteti. Prandaj dhe engjëjt që nuk e duan imoralitetin në shoqëri mallkojnë atë femër që si jep hakun bashkëshortit gjatë natës. Femra duhet të ketë kujdes, duhet të zbukurohet, të jetë afër tij. Nëqoftëse bashkëshorten e sheh një herë në muaj ka mbaruar familja vetë. Po shkoi një femër 150 kile, ah mbaroi familja. Bashkëshorte e vërtet është ajo që kur e shikon bashkëshortin gëzohet, e pret me kënaqësi. Nëqoftëse ti e pret burrin ashtu siç je ngritur nga gjumi, ai do hapë sytë tek gratë e huaja. Nëse do bashkëshorti të afrohet tek bashkëshortja në darkë dhe ajo nuk afrohet, engjujt e mallkojnë deri në mëngjes”, shprehej Naçi.
